Nuusbriewe word elke 2de Maandag aan ouers ge’Whatsapp’. Ander belangrike inligting mag ook van tyd tot tyd, gedurende die week, uitgestuur word.

Alle skoolaktiwiteite en ouervergaderings word op die kalender aangedui. 

Let Wel: Sommige datums mag deur die loop van die kwartaal verander.

Skoolhekke is gesluit deur die dag.  Ouers kan hekskyfies by die finansiële kantoor huur om toegang te verkry deur die dag. Alle skoolhekke sluit 14:00.

Leerders mag slegs tasse gebruik wat geskik is om boeke te beskerm. Kantversterkings verhoed die verweer van handboeke en skrifte. 

Ouers word versoek om gereeld deur tasse te gaan om na skrifte, handboeke en omsendbriewe te kyk.

Daar is ook skooltasse in die skoolkantoor te koop beskikbaar.

Huiswerk in die Grondslagfase word gegee om die werk wat in die skool gedoen is, vas te lê en te versterk. Vanaf graad 4 tot 7 is huiswerkopdragte verpligtend en kinders wat dit nie doen nie, sal gepenaliseer word.

Ons het Dinsdae en Donderdae in 2de pouse ‘n snoepie, waar leerders lekkers en koeldrank kan koop.

Leerders moet asseblief hulle eie fietse binne die fietsloods sluit.